Sverigedemokraterna më të fuqishmit në rrjetet sociale për të dytin vit radhazi

Partia Sverigedemokraterna (SD) është shpallur forca më e fuqishme në rrjetet sociale për të dytin vit me radhë. Rezultatet vijnë nga “Maktbarometern” e realizuar nga Medieakademin, sipas raportimeve të disa mediave suedeze.

Megjithatë, diferenca mes SD-së dhe partive të tjera në Parlament po zvogëlohet. Kjo tregon se edhe forcat e tjera politike po fitojnë më shumë ndikim në platformat digjitale.

Pas SD-së, në listën e më të fuqishmëve renditen: familja Lundell, televizioni publik SVT, grupi humoristik JLC dhe kanali televiziv TV4.

Sipas raportit, “raketa e vitit”  pra, ata që kanë pasur rritjen më të madhe në ndjekës e ndikim janë Ronny dhe Ragge së bashku me Kaj.

Në raport theksohet gjithashtu se mediat tradicionale, të cilat kanë pasur vështirësi të arrijnë publikun e ri, po arrijnë të depërtojnë te shumë njerëz nëpërmjet TikTok-ut.

Dhjetë llogaritë më me ndikim në rrjetet sociale në Suedi:

1. Sverigedemokraterna
2. Familjen Lundell
3. SVT
4. JLC
5. TV4
6. Aftonbladet
7. Sveriges Radio
8. Polisen
9. Expressen
10. Mauri Hermundsson