Swedbank akuzohet për mungesë të informacionit mbi normat e interesit për kreditë e banesave

Swedbank dyshohet se nuk dëshiron të shpjegojë se si banka përcakton normat e saj të interesit për kreditë e banesave për klientët – gjë që ka çuar në një ankesë nga organizata Nyob, e cila konsideron se kjo bie ndesh me rregulloren GDPR. Këtë e raporton gazeta Dagens Nyheter (DN).

“Ne besojmë se nuk mund të jetë një sekret tregtar mënyra se si përcaktohet norma e interesit për një klient të caktuar,” thotë Joakim Söderberg, jurist në Noyb.

Sipas Söderberg, ligji GDPR mbi mënyrën se si ruhen të dhënat personale duhet gjithashtu të lejojë klientët të kërkojnë informacion mbi bazën e vendimeve të bankës për normat e interesit.