Të rinjtë në Suedi rrisin kursimet pas ndryshimeve në ISK

Një pjesë e madhe e suedezëve pritet të ndryshojnë mënyrën si kursejnë paratë e tyre, pas rritjes së shumës së përjashtuar nga taksat në llogaritë ISK që hyri në fuqi në fillim të vitit. Sipas një ankete të kryer nga SEB, çdo i pesti qytetar planifikon të ndryshojë sjelljen e tij të kursimit.

Ndryshimi më i dukshëm vërehet tek të rinjtë e moshës 18–29 vjeç. Në këtë grup, një në tre persona thotë se do të rrisë kursimet e tij.

Ndërkohë, zhvillimet dhe tensionet globale të kohëve të fundit nuk duket se kanë ndikuar negativisht te kursimet e suedezëve. Përkundrazi, sipas ekonomistit të SEB, Americo Fernandez, kursimi është kthyer pothuajse në një “sport kombëtar”.

Ai shpjegon se situata ka ndryshuar krahasuar me vitin e kaluar. Atëherë, kur tensionet gjeopolitike u rritën, shumë familje vendosën të ulin kursimet e tyre. Por këtë herë, familjet po tregojnë më shumë qetësi dhe po i qëndrojnë planeve të tyre të kursimit.

Sipas Fernández, kjo mund të jetë një shenjë se njerëzit janë mësuar me luhatjet dhe pasiguritë e vazhdueshme në botë dhe nuk reagojnë më duke ulur kursimet.

Burimi: SEB/ AVANZA

Link: https://mfn.se/cis/a/seb/seb-fler-planerar-att-spara-med-stod-av-skattefritt-isk-belopp-aae64c00

https://investors.avanza.se/media/press/2026/mars-fran-kursraketer-till-kassafloden–sa-navigerar-aktiespararna-borsfrossan/