Të rinjtë rrezikojnë shëndetin për t’u nxirë, paralajmëron Fondacioni Kundër Kancerit.

Fondacioni Suedez Kundër Kancerit ka dhënë një paralajmërim të fortë: gjithnjë e më shumë të rinj përdorin aplikacione për të gjetur kohën kur dielli është më i fortë, vetëm për t’u nxirë më shpejt.

Sipas përfaqësueses së fondacionit, Fanny Pontan, kjo është shumë e rrezikshme. Ajo thotë se qëndrimi në rrezet më të forta të diellit rrit rrezikun për kancer të lëkurës.

“Kjo sjellje mund të ketë pasoja të rënda. Edhe nëse nuk zhvillohet kancer”, lëkura plaket më shpejt, thekson ajo.

Kanceri i lëkurës është një nga llojet më të përhapura të kancerit dhe çdo vit në Suedi preken rreth 17 mijë persona.

Fondacioni i bën thirrje të gjithëve, veçanërisht të rinjve, që të tregohen të kujdesshëm me diellin dhe të mos e rrezikojnë shëndetin vetëm për t’u nxirë.