Tërmet në Kopenhagen, lëkundjet u ndjenë edhe në Malmö

Një tërmet me magnitudë 3.9 ka goditur pasditen e së mërkurës zonën e Kopenhagen dhe është ndjerë edhe në qytetin suedez Malmö. Sipas agjencisë daneze Ritzau, lëkundjet kanë nisur rreth orës 16:00.

Epiqendra e tërmetit ishte rreth 28 kilometra në jug të kryeqytetit danez, ndërsa dridhjet janë ndjerë në të dy anët e ngushticës së Øresundit.

Sizmologu Björn Lund, ligjërues në Universitetin e Uppsalës, deklaroi për gazetën “Sydsvenskan” se bëhet fjalë për një tërmet relativisht të madh për standardet e Danimarkës dhe Suedisë.

Sipas raportimeve, tërmeti ka zgjatur rreth 20 sekonda.

Burimi: Sydsvenskan/emsc

Link: https://www.sydsvenskan.se/malmo/jordskalv-i-danmark-kandes-i-malmo/

https://m.emsc.eu/?urif=%2FEarthquake_information%2Fearthquake.php%3Fid%3D1997721