Thirrje në Oslo: Kurseni ujin e pijshëm

Nxehtësia, thatësia dhe mungesa e reshjeve kanë vendosur Oslon në një “situatë të vështirë”.

Tani banorët e kryeqytetit norvegjez u bëhet thirrje që të kursejnë ujin.

“Edhe pse për momentin nuk janë vendosur ndalime për ujitje në Oslo, ekzistojnë disa arsye për të mos përdorur më shumë nga uji ynë i vlefshëm i pijshëm sesa është e nevojshme”, thuhet në një njoftim për shtyp të komunës.

Për të siguruar furnizimin me ujë, autoritetet kanë nisur të importojnë ujë nga komunat përreth dhe kanë ulur rrjedhën e ujit në lumin Akerselva.