Torta suedeze “Prinsesstårta” po bën bujë në Amerikë. E ëmbël, elegante dhe tani… edhe “seksi” sipas rrjeteve sociale.

Një nga ëmbëlsirat më të dashura të Suedisë, torta tradicionale “Prinsesstårta”, po fiton popullaritet të madh në Shtetet e Bashkuara.

Torta u krijua që në vitet 1920 nga Jenny Åkerström për vajzat e një familjeje mbretërore suedeze. Por sot, ajo po shfaqet në forma të reja dhe moderne: si porcione të vogla, madje edhe versione të kripura.

Në qytete si New York, San Francisko dhe Los Anxhelos, gjithnjë e më shumë kafene po ofrojnë këtë tortë, ndërsa klientët janë të mahnitur nga pamja dhe shija e saj unike. Në rrjetet sociale ajo është cilësuar si “nostalgjike”, “e lezetshme” dhe madje edhe “seksi”.

Megjithatë, popullariteti i saj ka hapur edhe debat: a janë këto versione të reja vërtet “Prinsesstårta”? Disa suedezë thonë se shija dhe forma origjinale nuk duhet të preken. Por një gjë është e sigurt, kjo tortë mbretërore tani po sundon edhe jashtë Suedisë.