Trafikverket paralajmëron shoferët për motin e ftohtë: “Rrezik i shtuar në trafik”

Trafikverket ka paralajmëruar shoferët për shkak të të ftohtit të madh që ka përfshirë të gjithë vendin. Në shumë zona rrugët janë të rrëshqitshme, çka rrit rrezikun për aksidente.

Në njoftimin e publikuar në faqen zyrtare, Trafikverket u bën thirrje të gjithë pjesëmarrësve në trafik që të tregojnë kujdes, të ngasin me qetësi dhe të përshtatin shpejtësinë sipas kushteve të rrugës.

Autoriteti këshillon gjithashtu që personat që planifikojnë udhëtime të gjata të marrin me vete rroba të ngrohta dhe furnizime të nevojshme, në rast se mbeten të bllokuar ose ndalohen gjatë rrugës për shkak të motit.

Sipas parashikimeve, temperaturat pritet të jenë nën zero gradë në të gjithë vendin gjatë 24 orëve të ardhshme. Edhe java e ardhshme do të jetë e ftohtë, sipas Institutit Meteorologjik Suedez, SMHI.

Burimi:Trafikverket

Link: https://www.trafikverket.se/resa-och-trafik/underhall/sa-skotervi-vagar/vintervaghallning/