Tre ligje të reja hyjnë në fuqi sot, ja çfarë ndryshon.

🟦 Tre ligje të reja hyjnë sot në fuqi  çfarë ndryshon për qytetarët

Nga 1 korriku, tre ligje të rëndësishme fillojnë të zbatohen në Suedi. Këto ndryshime prekin drejtpërdrejt jetën e përditshme të shumë njerëzve.

1. Ulje e taksës për karburantin

Qeveria ka vendosur të ulë taksën për benzinën dhe naftën. Kjo bëhet për të kompensuar një rregull të re që detyron përzierjen e karburanteve me biokarburant.

Sipas qeverisë, çmimi në pompë mund të ulet, edhe pse kërkohen më shumë përbërës të gjelbër.

Kjo ulje e taksave do të kushtojë shtetit mbi 5 miliardë krona në vitin e ardhshëm.

2. Hiqet taksa për fluturimet

Nga sot nuk do të paguhet më taksë për të udhëtuar me avion nga Suedia.

Qeveria thotë se kjo ndihmon kompanitë ajrore dhe udhëtimin në vend.

Por organizata mjedisore si WWF e kanë kritikuar këtë vendim, sepse fluturimet ndikojnë negativisht në klimë.

3. Më e lehtë të ndryshosh gjininë në dokumentet zyrtare

Tani do të jetë më e thjeshtë për njerëzit të ndryshojnë gjininë e tyre në dokumentet shtetërore.

Gjithashtu, mosha minimale ulet nga 18 në 16 vjeç, por kërkohet pëlqimi i prindërve nëse personi është i mitur.

Partia Demokratët Suedezë e kundërshton ligjin dhe thotë se do përpiqet ta anulojë në të ardhmen.

🟨 Ligje të tjera që hyjnë në fuqi këtë javë:

▪ Ulje e subvencioneve për panelet diellore

▪ Taksa më e ulët për birrat e prodhuara nga fabrikat e vogla

▪ Ndryshime në taksimin për personat që jetojnë jashtë Suedisë

▪ Nga 2 korriku: Nuk do të lejohet më të fyesh punonjës shtetërorë si policë apo mësues duke i quajtur “idiot” apo fjalë të ngjashme.

Ministri i drejtësisë thotë se:

“Punonjësit tanë nuk duhet të përballen me fyerje apo kërcënime gjatë punës së tyre.”