Tre nga katër bankat e mëdha besojnë në ulje të normës së interesit

Pas shifrës së lartë të inflacionit në korrik, tre nga katër bankat kryesore mendojnë se Banka Qendrore e Suedisë (Riksbanken) do të presë deri në shtator për të ulur normën e interesit, ndërsa Nordea mendon se uljet kanë përfunduar, shkruan EFN.

“Mund të ndodhë që ata të sinjalizojnë një ulje në shtator, pasi tregu i punës është përkeqësuar. Do të jetë një lloj “nail-biter” (pritje me ankth)”, tha analisti kryesor i Nordeas, Torbjörn Isaksson, për kanalin.

Para shifrës përfundimtare të korrikut, që doli 3,0%, Handelsbanken parashikonte një ulje që javën tjetër gjë që tani e ka korrigjuar. Sipas bankës, shifrat e larta “kanë më shumë peshë se shqetësimi për aktivitetin e dobët ekonomik”.

SEB vlerëson se rritja është e përkohshme, gjë që tregon se Riksbanken “do të vazhdojë të jetë e hapur për një ulje në shtator”, shkruajnë ekonomistët e bankës Olle Holmgren dhe Amanda Sundström.