Trenat drejt dhe nga Stokholmi do të ngadalësojnë shpejtësinë për disa javë

Duke nisur nga nesër, trenat që lidhin Stokholmin me pjesën tjetër të vendit do të duhet të udhëtojnë më ngadalë. Trafikverket (Autoriteti Suedez i Transportit) ka njoftuar se kjo masë është e nevojshme për të kryer riparime të domosdoshme pas inspektimeve që kanë nxjerrë në pah disa mangësi në hekurudhë.

Masa do të prekë kryesisht trenat e linjave lokale të pendeltåg-ut, por gjithashtu do të ndikojë edhe tek disa trena të largët dhe rajonalë. Kufizimet e shpejtësisë do të shkaktojnë vonesa në oraret e trenave, por nuk do të ketë ndërprerje të trafikut, theksoi zëdhënësja e Trafikverket, Katarina Wolffram, në një deklaratë për shtyp.

“Trenat do të vazhdojnë të qarkullojnë, por udhëtarët duhet të përgatiten për vonesa të mundshme,” tha ajo.

Riparimet pritet të zgjasin disa javë, ndërsa Trafikverket garanton se çdo masë është ndërmarrë për të siguruar sigurinë maksimale të udhëtarëve.

Burimi: Aftonbladet