U arrit marrëveshja për rritjen e pagave të punonjësve në shëndetësi

Sindikata e punonjësve të shëndetësisë në Suedi, Vårdförbundet, ka arritur një marrëveshje të re me Shoqatën e Komunave dhe Rajoneve (SKR), raporton TV4 Nyheterna.

Sipas marrëveshjes, pagat do të rriten me 6,4% gjatë dy viteve të ardhshme. Gjithashtu, pagesat shtesë për punën gjatë orëve të natës dhe fundjavave do të rriten me 3,4%.

Kjo marrëveshje përfshin rreth 110,000 persona që punojnë në spitale dhe institucione të tjera shëndetësore në gjithë vendin.

– Ne kemi përmirësuar edhe kushtet për ata që punojnë me turne të ndryshme, tha kryetarja e sindikatës, Sineva Ribeiro, në një deklaratë për shtyp.