Uji në Stokholm rrezikon të mbarojë, qytetarët thirren të kursejnë.

Stokholmi po përballet me një krizë të ujit. Kompania “Stockholm Vatten och Avfall” njofton se prodhimi i ujit është në gjendje të vështirë dhe kërkon nga të gjithë banorët dhe bizneset të ulin menjëherë konsumimin.

Shkaku kryesor është ngrohja e pazakontë e ujit në liqenin Mälaren, që po e vështirëson punën e uzinave të ujit.

Qytetarëve u bëhet thirrje të bëjnë dush të shkurtra, të mos lajnë makina dhe të mos mbushin pishina.

“Çdo pikë uji është e rëndësishme”, thekson kompania.