Ulf Kristersson: Nuk ka zgjidhje të shpejta për çmimet e larta të energjisë elektrike

Kryeministri suedez Ulf Kristersson thotë se nuk ka zgjidhje të shpejta për mungesën e energjisë elektrike dhe çmimet e larta të energjisë elektrike në vend.

Gjatë një interviste në radio, një dëgjuese e P4 Väst, me emrin Susanne, e pyeti kryeministrin se çfarë do të bëjë ai në afat të shkurtër dhe afat të gjatë për të përballuar çmimet e larta të energjisë elektrike.

Kristersson u përgjigj se problemi kryesor është se Suedia prodhon shumë pak energji elektrike në pjesën jugore të vendit. Sipas tij, kjo situatë ka ardhur pasi energjia bërthamore është mbyllur pjesërisht nga qeveritë e mëparshme.

Ai theksoi se zgjidhja afatgjatë është ndërtimi dhe zgjerimi i energjisë bërthamore në Suedi.

“Nuk ka zgjidhje të shpejta për këtë problem”, tha Kristersson.

Në të njëjtën kohë, ai shtoi se qeveria po punon për të zgjeruar rrjetin e energjisë elektrike në vend, edhe pse kjo kushton shumë para. Po ashtu, sipas tij, po merren masa për të mbrojtur dhe ruajtur energjinë nga uji (hidrocentralet) dhe prodhimin e energjisë nga termocentralet me bashkëprodhim, në mënyrë që të kompensohet mungesa e energjisë elektrike në jug të vendit.

Burimi: Sverigesradio

Link: https://www.sverigesradio.se/artikel/susanne-vad-kommer-ni-gora-at-hoga-elpriser