Ulja e dyfishtë e normës, “një dhuratë e hershme për blerësit dhe shitësit e shtëpive”

Tregu i pasurive të paluajtshme në Suedi shënoi një rritje të fuqishme gjatë muajit tetor, me një ngritje të konsiderueshme të çmimeve të banesave në rajonin e Stokholmit, sipas statistikave të reja nga Svensk Mäklarstatistik.

Zëvendësdrejtori i përgjithshëm i Svensk Fastighetsförmedling, Erik Wikander, e cilësoi zhvillimin si të jashtëzakonshëm, duke theksuar se kjo rritje vjen ndërkohë që aktiviteti në treg po ashtu është shtuar ndjeshëm.

Për më tepër, tregu do të përfitojë nga ulja e dyfishtë e normës së interesit nga Banka Qendrore e Suedisë (Riksbanken), e njoftuar të enjten, e cila pritet të lehtësojë edhe më tej kushtet për blerësit dhe shitësit e shtëpive.

“Ulja e dyfishtë e normës nga Riksbanken është një dhuratë e hershme për të gjithë ata që ëndërrojnë të blejnë apo të shesin një shtëpi,” u shpreh Wikander në një deklaratë për shtyp.

Burimi:Omni