Valë vjedhjesh në vila. Policia apelon për vigjilencë.

Gjatë muajit korrik janë raportuar rreth 50 vjedhje në vila në rajonet Väst, Syd dhe Öst. Policia ka dhënë alarmin dhe u bën thirrje të gjithë pronarëve të shtëpive të jenë më të kujdesshëm.

“Mbani një sy edhe te shtëpia e fqinjit kur ai është me pushime. Nëse shihni ose dëgjoni diçka të dyshimtë, njoftoni menjëherë policinë,” tha Lina Carlshamre, analiste në Policinë e Rajonit Väst.

Sipas policisë, pas këtyre vjedhjeve qëndrojnë banda profesionale dhe të organizuara. Hajdutët kanë hyrë kryesisht duke hequr kornizat e dritareve dhe dyshohet se kanë njohuri të mira për alarmet dhe sistemet e kyçjes.

Policia apelon që banorët të bashkëpunojnë me fqinjët dhe të raportojnë çdo aktivitet të dyshimtë për të parandaluar vjedhje të tjera.