Vapa verore mbërrin në Suedi, por fundjava sjell shi dhe rënie temperaturash

Shumë qytetarë në Suedi po shijojnë mot të ngrohtë dhe me diell gjatë festës së Valborgut. Sipas mediave suedeze, ditët e ardhshme pritet që temperaturat të rriten edhe më shumë në disa zona të vendit.

Temperaturat më të larta janë regjistruar në qytetin Arvika, ku termometri ka shënuar 25 gradë Celsius. Meteorologu Lasse Rydqvist nga kompania e motit Klart ka deklaruar se nesër në disa pjesë të Suedisë temperaturat mund të arrijnë deri në 26 ose 27 gradë, veçanërisht në pjesën lindore të Smålandit.

Megjithatë, moti i ngrohtë nuk do të zgjasë shumë. Që nga dita e shtunë pritet ndryshim i motit, me temperatura më të ulëta dhe reshje shiu në shumë zona të vendit.

Sipas parashikimeve, në fillim të javës së ardhshme temperaturat në jug të Suedisë do të zbresin në 10 deri në 15 gradë Celsius, ndërsa në veri pritet të jenë edhe më të ulëta, nga 5 deri në 10 gradë.

Meteorologët theksojnë se reshjet e shiut janë shumë të nevojshme për momentin, sidomos në jug të Suedisë, ku toka ka nevojë për lagështi pas periudhës së thatë.

Burimi: Aftonbladet/Sverigesradio/SMHI

Link: https://www.aftonbladet.se/nyheter/a/GxPg8V/hogsommarvarme-har-kan-det-bli-27-grader

https://www.sverigesradio.se/artikel/25-grader-har-blir-det-sommarvarme-till-valborgshelgen

https://www.smhi.se/vader/prognoser-och-varningar/vaderprognos/q/Stockholm/2673730