Vattenfall nis ndërtimin e centralit bërthamor në 2029

Gjiganti shtetëror suedez i energjisë, Vattenfall, pritet të nisë ndërtimin e një centrali të ri bërthamor në vitin 2029, me objektivin për ta përfunduar deri në 2035, raportojnë burime të Affärsvärlden (Afv).

Lajmi vjen pas deklaratës së mëparshme të Vattenfall-it në shkurt, ku kompania njoftoi se nuk do të marrë ndonjë vendim investimi për centralet e reja bërthamore në Suedi para vitit 2029. Kjo deklaratë bie ndesh me qëndrimin e qeverisë suedeze, e cila kishte premtuar që ndërtimi të niste para 2026.

Sipas burimeve, Vattenfall ka qenë i paqartë në komunikimin e procesit, por po punon  për të përgatitur ndërtimin. Kompania pritet të zgjedhë teknologjinë e centralit në periudhën mars-prill 2025, ndërsa pas kësaj do të nisë një vit vlerësimi të furnitorëve. Tre emrat kryesorë që po shqyrtohen për këtë projekt janë Rolls Royce, Westinghouse dhe GE Hitachi.

Burimi: Omni