Vazhdojnë problemet e mëdha në metronë e Stokholmit

Ashtu siç kishte paralajmëruar tashmë të dielën kompania e transportit publik të rajonit të Stokholmit, SL, mëngjesi i së hënës në sistemin e metrosë së kryeqytetit është shoqëruar me probleme dhe vonesa. Këtë e raportojnë disa media suedeze.

Gjatë ditëve të fundit, një defekt në sistemin e sinjalizimit ka shkaktuar ndërprerje dhe shqetësime në Linjën e Kuqe të metrosë. Shumë udhëtarë vazhdojnë të preken nga trafiku i parregullt dhe anulimi i nisjeve.

“ Kishim synim që problemi të zgjidhej deri në mëngjes, por kjo nuk u arrit”, tha shefi i shtypit i SL-së, Andreas Strömberg, për SVT Nyheter Stockholm.

Sipas autoriteteve të transportit, qarkullimi në Linjën Blu dhe Linjën e Gjelbër po vazhdon normalisht.

Ndërkohë, edhe transporti publik në Goteborg po përballet me probleme gjatë mëngjesit. Të gjithë udhëtarët po lejohen të udhëtojnë falas për shkak të problemeve teknike me aplikacionin e kompanisë së transportit publik Västtrafik, raportoi Aftonbladet.

Burimi: SVT/Aftonbladet/Expressen/SL

Link: https://www.svt.se/nyheter/lokalt/stockholm/sl-varnar-nytt-kaos-att-vanta

https://www.aftonbladet.se/nyheter/a/Rr77qd/aftonbladet-direkt?pinnedEntry=1468998

https://www.expressen.se/nyheter/sverige/mer-kaos-i-kollektivtrafiken-sl-varnar/

https://sl.se/reseplanering/trafiklaget?locationType=TRANSPORT_TYPE&transportType=METRO&name=Tunnelbanan