Vinterkräksjukan ka filluar. FHM paralajmëron rritje të rasteve

Sezoni i vinterkräksjukan (virusit të të vjellave të dimrit) ka nisur, njofton Folkhälsomyndigheten (FHM).

Sipas agjencisë, numri i të sëmurëve pritet të rritet në ditët dhe javët e ardhshme, tani që epidemia ka filluar për këtë sezon.

FHM shpjegon se kërkimet për fjalën “vinterkräksjuka” në faqen 1177.se javën e kaluar kaluan pragun që tregon se calicivirusi po përhapet më shumë në shoqëri.

Zëvendës epidemiologia e shtetit Klara Sondén thotë në një komunikatë për shtyp se nuk dihet ende sa e madhe do të bëhet përhapja këtë vit.

Ajo kujton se sezoni i kaluar pati më pak raste se një vit më parë dhe se kulmi i sëmundjes ishte më i ulët dhe më i vonë krahasuar me sezonin 2023–2024.

FHM thekson se për të ulur rrezikun e përhapjes, është shumë e rëndësishme:

• të lahen duart mirë,
• dhe të qëndrohet në shtëpi kur je i sëmurë.