Viti i Ri sjell ligje të reja dhe përfitime ekonomike për familjet suedeze

Fillimi i vitit 2025 do të shoqërohet me disa ndryshime ligjore që pritet të ndikojnë pozitivisht në financat e familjeve suedeze. Ndryshimet, të raportuara nga TT, përfshijnë lehtësime tatimore dhe masa mbështetëse për kategori të ndryshme të popullsisë.

Një ndër risitë kryesore është një ulje e re e taksës mbi të ardhurat nga puna, si dhe ulja e taksës për kursimet në llogaritë ISK deri në shumën 150,000 korona. Pensionistët gjithashtu do të përfitojnë nga ulja e taksave, ndërsa pensionet bazë dhe ato të garantuara do të rriten deri në 4%.

Në kuadër të masave të reja, kufiri për tatimin mbi të ardhurat shtetërore do të rritet, dhe nga korriku, taksa për fluturimet do të hiqet plotësisht. Për më tepër, taksat mbi benzinën dhe naftën do të ulen, duke sjellë një lehtësim për drejtuesit e mjeteve. Megjithatë, taksa për energjinë elektrike do të rritet paksa.

Një tjetër masë e rëndësishme është fillimi i eliminimit të zbritjes së interesave për kreditë konsumatore (blancolån), një proces që do të zbatohet gradualisht. Ndërkohë, ndihma për strehimin do të zgjasë deri në qershor 2025, e shoqëruar me një shtesë prej 25%.

Këto masa vlerësohen se do të forcojnë ekonominë e familjeve dhe do të lehtësojnë barrën financiare në një periudhë të rëndësishme tranzicioni.