Vjedhjet në dyqanet suedeze po rriten.

Vjedhjet dhe krimet në tregtinë suedeze vazhdojnë të rriten, sipas Barometrit të Sigurisë (Trygghetsbarometern) të organizatës Svensk Handel. Ky është tremujori i dytë me radhë që shënon rritje të ndjeshme të incidenteve.

Gjatë tremujorit të tretë, 49% e dyqaneve të pyetura thanë se janë përballur me vjedhje, kërcënime, dhunë, vjedhje me thyerje objektesh ose sjellje kërcënuese ndaj stafit. Krahasuar me tremujorin e dytë, kjo është një rritje prej 7 pikë përqindjeje.

“Është e papranueshme që pothuajse gjysma e dyqaneve të jenë viktima të krimeve. Kjo tregon qartë se problemi, për fat të keq, nuk merret mjaftueshëm seriozisht,” tha Nina Jelver, drejtuese e sigurisë në Svensk Handel.

Sipas organizatës, shumë dyqane tani ndihen më të pasigurta se kurrë më parë dhe kërkojnë masa më të forta kundër vjedhjeve dhe dhunës në vendin e punës.

Burimi: TT