Zelensky: Do të flas me Trump të mërkurën

Presidenti i Ukrainës, Volodymyr Zelensky, pritet të zhvillojë një bisedë të rëndësishme presidentin amerikan Donald Trump të mërkurën. Lajmi është konfirmuar nga vetë Zelensky gjatë një vizite shtetërore në Finlandë, raportojnë burimet e Bloomberg.

Biseda mes dy liderëve do të fokusohet në përpjekjet e fundit për arritjen e një armëpushimi në luftën e vazhdueshme në Ukrainë. Takimi i tyre konsiderohet tejet i rëndësishëm, duke pasur parasysh rolin e fuqishëm të SHBA-ve në përpjekjet diplomatike për t’i dhënë fund konfliktit.

Gjatë vizitës në Finlandë, Zelensky ka shprehur optimizëm të dukshëm për situatën, duke deklaruar se lufta mund të përfundojë brenda këtij viti.

“Ne po punojmë pandërprerë për t’i dhënë fund kësaj tragjedie. Besoj se një zgjidhje paqësore është e mundur,” tha ai në një konferencë për shtyp në Helsinki.

Ekspertët e politikës ndërkombëtare po ndjekin me kujdes zhvillimet e ardhshme, pasi biseda mes Zelensky dhe Trump mund të përcaktojë hapa të rinj për arritjen e paqes në rajon.