Zelensky mbështet propozimin, por dëshiron të flasë me Trumpin

Presidenti i Ukrainës, Volodymir Zelensky, ka deklaruar se ai mbështet një armëpushim të kufizuar me një ndalim prej 30 ditësh për sulmet ndaj infrastrukturës energjetike.

Megjithatë, Zelensky thekson se dëshiron të zhvillojë një bisedë me presidentin amerikan Donald Trump përpara se të marrë një vendim përfundimtar.

“Gjithçka duhet bërë siç duhet, prandaj duhet të kemi një bisedë me presidentin Trump, dhe atëherë do të mësojmë me detaje se çfarë u ofrua nga rusët amerikanëve ose çfarë u ofrua nga amerikanët rusëve,” tha Zelensky për gazetarët, sipas Reuters.

Ndërkohë, ai paralajmëron se Rusia nuk është ende e gatshme të përfundojë luftën.

“Ata nuk janë as të gatshëm për hapin e parë, i cili është një armëpushim,” tha presidenti ukrainas.