Zyra e Punësimit nën kritika: “Tetë muaj pa asnjë ndihmë”

Një i ri që për më shumë se dhjetë vjet ka luftuar me sëmundje të rënda, përfshirë kancer që përsëritej, probleme me gjëndrën tiroide dhe ankth të rëndë, tregon përvojën e tij të vështirë me Zyrën e Punësimit.

Pas sëmundjes, atij iu ndërpre periudha e provës në një punë që sapo kishte filluar pas studimeve universitare. Pas tre vjetësh e gjysmë, ai mbeti pa përfitime nga Agjencia e Sigurimeve Shoqërore dhe pa asnjë burim të ardhurash.

Tetë muaj më parë, ai kontaktoi Zyrën e Punësimit me shpresën për të gjetur një mundësi që ta ndihmonte të kthehej në punë dhe të siguronte jetesën. Por, gjatë këtyre tetë muajve, pati vetëm tre takime me agjencinë dhe asnjë prej tyre nuk solli ndonjë mbështetje konkrete. I vetmi mesazh që mori ishte se duhej të kërkonte vetë punë.

Në debatet politike shpesh flitet për shumë programe që Zyra e Punësimit duhet t’u ofrojë personave që e kanë të vështirë të hyjnë në tregun e punës. Megjithatë, gjatë tre kontakteve, asnjë nga këto programe nuk u përmend, edhe pse mjekët dhe psikologët kishin lëshuar vërtetime se mundësitë e tij për punë ishin shumë të kufizuara.

Pas tetë muajsh pritje dhe zhgënjimi, i riu vendosi të ndërpriste raportimin mujor të aktiviteteve. Menjëherë pas kësaj, ai mori një kujtesë nga Zyra e Punësimit se raporti i tij mungonte.

“E kuptoj që Agjencia e Sigurimeve Shoqërore është e lidhur ngushtë me ligjet dhe rregulloret, por kur kjo mënyrë pune nuk sjell rezultat, drejtuesit duhet të kërkojnë ndryshime si në rregulla ashtu edhe në qasje,” theksohet në reagimin e familjarëve.

Burimi: https://www.hn.se/asikter/ordet-ar-fritt/arbetsformedlingens-misslyckade-stravan-.fe398295-3f62-4408-a04f-1e0cee032c82